真人秀

那個什麼有錢人變窮人真人show, 其實究竟係咩一回事?
我明白，個節目既concept係因應市場需求而黎，
只係唔明白，點解個市場會係咁，點解會好多人有興趣睇呢d節目呢?
因咩原因，一個有錢人過窮人既生活d人會覺得好睇，
而講d人由寂寂無名到成功人仕既<傑出華人系列>往往就得幾點收視呢??

正如黃子華所說，當下社會既道德價值觀就係咁。

我亦同時唔明白，點解呢d節目入面既主角，往往都要表現得像一個白痴，
我明白，有錢人所過的生活和我地所過既生活係唔同既。
正如同是一個生日派對，
我生日可能係約班朋友係酒樓打個邊爐而朋友會夾份請我，
而我最近參加一個有錢朋友的生日派對時，
係會o係中環一個私人會所包起一層，擺得一圍而且仲要主人家請客添~
係好唔同既生活，
但我唔認為大部份有錢既人會好似節目入面既主角咁，
好似唔講唔知呢個世界有人捱緊，有人三餐不繼，有人冇錢交租，有人要訓街.....
有時我會懷疑個節目究竟係講一個有錢人體驗窮人既生活丫，
定係一個弱智的人，體驗一個智力正常既人過既生活呢?
何必再製造更多呢類節目出黎，加深那些憎人富貴的情緒呢?

或者鍾意睇呢類節目既人，都係一d好希望需要別人認同既人，
佢地需要人地認同佢搵錢係要付出勞力，認同佢冇錢，認同佢有經濟壓力等等...
但我地為咩要人地認同呢?
有錢人認同左你既貧窮，你會點呢?會身嬌肉貴一d?會食麥當勞唔駛排隊?
將注意力放係一d無關痛癢既地方，只為求得到別人認同，只是源於不敢作出改變而矣...

莎士比亞曾經講過:世界上沒有什麼比希望不平凡更平凡的了。
我不需要別人認同我不夠好的地方，
我不用別人認同我窮，但你地可以話我未有錢囉~(ok，自欺欺人總是講得好有型)
我只是覺得，自己憐憫自己，是非常可悲的一件事...

題外話，有人會覺得，黃子華個樣真係似49歲咩?